Remedios asturianos pal catarru

Tomar un fervidiellu: vinu caliente con zucre.
”Al catarru/da-y col xarru/ y si ta bien agarrao/ sidra o vinu calentao.
Tamién ferventáu(lleche fervío col untu’l gochu)enantes d’echase.
Esfriegues con alcohol o aguardiente y guardar dempués el calor na cama pa sudalu.
Pa la tose ferver plantes aromátiques: benitu,menta, romeru o carquexa: alendar fondo.Y que no te pase na.

Remedios Asturianos

Si no lo ves claro


Los güevos acabaos de poner, ponense nos güeyos y sirven pa aclarar la vista.
Los orzuelos faciense desaparecer colocando enriba d'ellos una moneda de cobre.
Tamién se puen quitar los orzuelos frotándolos con ayu.

Remedios caseros

ALFONSO. - Tamién esta garganta
Ñon la tengo muy santa :
Dícenme que son buves y no afayo .
Quien como vos me quite isti trabayo
ENSALM. - Isi mal que teneis, Alfonso Friera ,
Ñon son búves , que ye 1a cerviguera ;
Que como l’ almorrana escomulgada
Fexo entre les dos ñalgues so morada .
Pe la cuerda que tira al espinazo
Pasó pe les espaldes al costazo ;
Y á ñon deszagafar per isti medio ,
Quedarán les tos ñalgues sin remcdio .
Pero, si quies ponete bueno y sano ,
Tomarás lo que quépia n’ una mano
De fueyes d’ arto albar, pimientos verdes ,
Y de gocho d’ un año nueve cerdes ;
La yerba del colantro , la del pico ,
Raspiadures del casco d' un borrico .
Co la yerba cabrera ,
Les pates de tenrera ,
Aceite de la llámpara , panizo ,
El incienso del cirio pascualizo ;
Malva montés , el perexil marisco ,
Manzanes de carbayo ó de llentisco ,
Basalicón . llantaina , y unto de oso ,
Los pelos d' un furón ó d' un raposo ,
Y echaréislo á cocer en un puchero
Con aceite y con suero :
Colaréislo dempués por una toca ,
Y echálo ñueve veces pe la boca ;
Que cerviguera puxos y almorranes ,
Han dir con Llucifer en tres semanes .
ALFONSO.- Pos quedavos con Dios , que vo á facello .
ENSALM. - Divos en paz , y avisareisme d' ello .

Antón de Marirreguera:"L'ENSALMADOR"
" POESÍAS SELECTAS EN DIALECTO ASTURIANO "
(recopilación de Xosé Caveda reeditada y aumentada por Fermín Canella en 1887)